Isa 5 | Ndebele | STEP | Ake ngihlabelele othandiweyo wami ingoma yomthandwa wami ngesivini sakhe . Othandiweyo wami ulesivini oqaqeni oluvundileyo.

1 Ake ngihlabelele othandiweyo wami ^a ingoma yomthandwa wami ^b ngesivini sakhe ^c. Othandiweyo wami ^d ulesivini oqaqeni oluvundileyo. 2 Wasibiyela ^e, wakhupha amatshe kiso ^f, wasihlanyela ^g ngevini elikhethiweyo ^h, wakha umphotshongo phakathi kwaso ⁱ, wagubha ^j lesikhamelo sewayini kiso ^k; walindela ukuthi sizathela izithelo zevini ^l, kodwa sathela izithelo zevini ezimunyu. 3 Ngakho-ke, bahlali beJerusalema, lani madoda akoJuda, ake lahlulele phakathi kwami lesivini sami. 4 Ngabe kwenziwani okunye esivinini sami engingakwenzanga kuso? Ngalindelelani ukuthi sizathela izithelo zevini ^m, kodwa sathela izithelo zevini ezimunyu? 5 Ngakho-ke ⁿ, ake ngilitshele engizakwenza esivinini sami: Ngizasusa uthango lwaso ^o ukuze sibe lidlelo ^p, ngidilize umduli waso ^q ukuze sibe ngesokugxotshwa. 6 Ngizasenza sibe liganga, singathenwa, singahlakulwa, kodwa kumile ameva lokhula oluhlabayo ^r. Njalo ngizalaya amayezi ukuthi anganisi izulu phezu kwaso. 7 Ngoba isivini ^s seNkosi yamabandla yindlu kaIsrayeli, labantu bakoJuda bayisithombo sentokozo zayo. Njalo yayilindele isahlulelo, kodwa khangela, ukuchithwa kwegazi ^{▼▼ ukuchithwa kwegazi: kumbe isibavu.}; ukulunga, kodwa khangela, ukukhala.

Amazwi okwahlulela ababi

8 Maye kulabo abahlanganisa indlu lendlu ^u, abasondeza insimu lensimu ^v, kuze kusweleke indawo, lina-ke lihlale lodwa phakathi kwelizwe! 9 Endlebeni zami iNkosi yamabandla yathi: Isibili izindlu ezinengi zizakuba ngamanxiwa, ezinkulu lezinhle zingabi lamhlali. 10 Ngoba indima ezilitshumi zesivini zizathela ibhathi* ^w elilodwa, lehomeri* lenhlanyelo ^{x
,} ^y lithele i-efa* ^z.

11 Maye kwabavuka ekuseni kakhulu ^aa, bexotshana lokunathwayo okulamandla, balibale kuze kuhlwe ^ab, lize iwayini libalumathise ^ac! 12 Njalo ichacho ^{ad
,} ^ae lomhubhe ^{af
,} ^ag, isigubhu ^{ah
,} ^{ai
,} ^aj lomhlanga ^ak, lewayini kusemadilini abo, kodwa kabananzi ^al isenzo seNkosi ^am, bengaboni ^{an
,} ^ao umsebenzi wezandla zayo ^ap.

13 Ngakho abantu bami bazakuya ekuthunjweni ngenxa yokungabi lolwazi ^aq, lamadoda abo odumo alendlala, lenengi labo lizakoma ngumhawu. 14 Ngakho ingcwaba lizazinabulula ^ar, livule ^as umlomo walo ube banzi ngokungelasilinganiso ^at, kuze kwehle udumo lwabo lobunengi babo ^au lenxokozelo yabo ^av lothokozayo ^aw phakathi kwabo. 15 Lomuntukazana ^ax uzakwehliselwa phansi, lomuntu ophakemeyo athotshiswe, lamehlo abazikhukhumezayo athotshiswe. 16 Kodwa iNkosi yamabandla ^ay izaphakanyiswa ngesahlulelo, loNkulunkulu ongcwele uzangcweliswa ngokulunga. 17 Lamawundlu azakudla ngokwendlela yawo ^az, labemzini badle amanxiwa abakhulupheleyo ^{ba
,} ^bb. 18 Maye kwabadonsa isiphambeko ngentambo zeze, lesono njengamagoda enqola! 19 Labo abathi ^bc: Kaphangise, aphangisise umsebenzi wakhe, ukuze siwubone; lecebo loNgcwele kaIsrayeli kalisondele lize, ukuze silazi.

20 Maye kwabathi kokubi kuhle, lakokuhle kubi, ababeka umnyama ube yikukhanya, lokukhanya kube ngumnyama ^bd, ababeka okubabayo kube mnandi, lokumnandi kube ngokubabayo! 21 Maye kwabahlakaniphileyo emehlweni abo ^be, labaqedisisayo phambi kobuso babo! 22 Maye ^bf kwabangamaqhawe okunatha iwayini, lamadoda alamandla okuhlanganisa okunathwayo okulamandla; 23 abalungisisa okhohlakeleyo ^bg ngenxa yomvuzo ^bh, basuse ukulunga kwabalungileyo kubo! 24 Ngakho njengolimi lomlilo ^bi lusidla isidindi sotshani ^bj, lamakhoba edilika ngelangabi ^{bk
,} ^bl, ngokunjalo impande yabo ^bm izakuba njengokubola ^bn, lempoko yabo iphephuke njengothuli; ngoba bewalile umlayo weNkosi yamabandla, balidelela ilizwi ^bo loNgcwele kaIsrayeli ^bp. 25 Ngenxa yalokho ulaka lweNkosi ^bq lubavuthele abantu bayo, yelula isandla sayo imelene labo, yabatshaya, izintaba zaze zazamazama ^br, lezidumbu zabo zaba njengengcekeza phakathi kwezitalada. Ngenxa yakho konke lokhu ulaka lwayo kaluphenduki ^bs, kodwa isandla sayo silokhu seluliwe.

26 Njalo izasiphakamisela isizwe isiboniso ^bt ikhatshana ^{bu
,} ^bv, isitshayele ikhwelo ^bw isekucineni komhlaba ^bx; khangela-ke, sizakuza masinyane ngejubane ^by. 27 Kakho ozadinwa, njalo kakho ozakhubeka ^bz phakathi kwaso, kakho ozawozela, njalo kakho ozalala ^ca, njalo kakho ozakhululelwa ibhanti lokhalo lwakhe ^cb, njalo kakho ozaqanyukelwa ngumchilo wamanyathela akhe ^cc. 28 Omitshoko yakhe ibukhali ^cd, lomadandili akhe wonke agotshiwe ^ce; amasondo amabhiza akhe azabalwa njengelitshe elilukhuni, lamavili akhe njengesivunguzane ^cf. 29 Ukubhonga kwakhe kuzakuba njengokwesilwane ^{cg
,} ^ch, njalo uzabhonga njengamabhongo esilwane ^ci, abhavume abambe impango, ayilethe ekuvikelekeni, njalo kungekho umemuki. 30 Bazakubhavumela ngalolosuku njengokubhavuma kolwandle ^cj. Uba umuntu ekhangela emhlabeni ^ck, khangela-ke, umnyama, usizi ^cl, lokukhanya kwenziwe kwaba mnyama ngamayezi aso.